HARAKATI ZA SOKA

Jan 29, 2015

Usher Raymond aliingia zake mtaani, akatoa bonge la burudani lakini hakuna aliyemjua!

11:25 PM

Mkali wa R&B Usher Raymond aliingia mtaani akiwa amevaa nguo ambazo watu hawakumtambua, akaachia bonge la burudani kwa kuachia bonge la show.

Waliosimama kumuangalia walivutiwa na vitu viwili, kwanza ni mavazi ya rangi ya dhahabu aliyoyavaa na pia namna alivyocheza vizuri.

Burudani hiyo aliitoa California, Marekani na baada ya watu hao kujua kwamba jamaa huyo ni Usher walishangilia kumuona staa huyo na kuanza kupiga nae picha.

EXCLUSIVE: Usher hides behind a mask to surprise his fans in Venice, CA

MASAU BWIRE ATUA OFISI ZA CHAMPIONI KUHAKIKI PICHA ZA TAMBWE KUKABWA

10:42 PM

MHARIRI KIONGOZI WA CHAMPIONI, SALEH ALLY (KUSHOTO) AKIMUONYESHA MASAU BWIRE PICHA HALISI YA TAMBWE AKIKABWA NA GEORGE MICHAEL. KULIA NI MHARIRI WA GAZETI LA CHAMPIONI JUMATANO, PHILLIP NKINI.

Kuonyesha hataki mzaha, Msemaji wa Ruvu Shooting, Masau Bwire ametua kwenye ofisi za Gazeti namba moja kwa habari za Michezo la Championi na kutaka kuhakikisha ile picha iliyoonyesha beki George Michael akimkaba mshambuliaji Amissi Tambwe wa Yanga.

Awali Masau aliwahi kuonyesha hofu yake kuhusiana na picha hiyo kwamba huenda ilifanyiwa utundu.

Leo akiwa katika ofisi za Global Publishers, Masau alishuhudia picha hiyo pamoja na nyingine kadhaa za mechi kati ya Yanga dhidi ya Ruvu Shooting na kumaliza ubishi.

Masau alionyeshwa picha hizo na Mhariri Kiongozi wa Gazeti la Championi pamoja na Wahariri wengine, Phillip Nkini na Ezekiel Kitula. Pia waandishi Martha Mboma, Hans Mloli na Wilbert Molandi nao walishuhudia Masau akionyeshwa picha hizo.

"Kwa kweli mmejitahidi sana, picha nimeziona na kweli ninawpaongeza sana. Ndiyo maana nikafika hapa kumaliza ubishi," alisema Masau kabla ya kuendelea mazungumzo mengine ya kawaida kabla ya kuondoka zake.

Picha ya Tambwe akikabwa na beki huyo ilizuia utata mkubwa. Lakini siku chache baadaye naye alizungumza na kusema aling'atwa na Tambwe.

JOSE MOURINHO AANZISHA ‘NONGWA’ NA FA

10:37 PM

252020E900000578-0-image-m-47_1422407807575

Jose Mourinho na Diego Costa wakizungumza wakati wa mechi dhidi ya Liverpool

Jose Mourinho amenuna baada ya chama cha soka England, FA kusema kinamtoza faini Diego Costa kwa kuonesha mchezo usiokuwa wa kiungwana.

Mourinho ameichukia FA na anaamini mfungaji wake anayeongoza kufumania nyavu ametolewa kama mbuzi wa kafara kufuatia kumchezea vibaya beki wa Liverpool, Emre Can.

Kocha huyo wa Chelsea ambaye amewahi kutozwa faini na FA alitakiwa kuwa na mkutano na waandishi wa habari kesho ijumaa kuelekea mechi ngumu dhidi ya Manchester City jumamosi, lakini ameufuta.

Diego Costa alionekana kumkanyaga mguu wa kulia Emre Can kwenye mechi ya nusu fainali ya Capital One dhidi ya Liverpool

Costa anaweza kufungiwa mechi tatu baada ya kutozwa faini na FA kutokana na kitendo hicho alichomfanyia Can.

Klabu ya Chelsea imefuta ratiba ya mkutano na waandishi wa habari na hatawathubutu hata kumtuma kocha msaidizi, Steve Holland kuzungumza na vyombo vya habari.

Imethibitishwa kuwa kikao cha nidhamu cha FA kitakachokaa kesho kitamuadhibu Costa.

Licha ya Costa kukataa kosa lake, mshambuliaji huyo wa Chelsea anatarajia kufungiwa mechi tatu kuanzia ya jumamosi dhidi ya Man City.

TAMBWE: BADO HATUJAFIKIA KIWANGO TUNACHOTAKA NA HATUJAKATA TAMAA

10:36 PM

TAMBWE(KULIA) AKIWA MAZOEZINI YANGA

Mshambuliaji wa Yanga, Amissi Tambwe amesema licha ya kutofanya vizuri katika kiwango anachotaka yeye na wenzake, wamekuwa wakiendelea kujituma tu.

Tambwe amesema wamekuwa wakijituma kwa juhudi kubwa huku wakiamini mambo yatabadilika kama hawatakata tamaa.

"Unajua ukiendelea kujituma, hata kama hayaendi vizuri baadaye yanaweza kubadilika na ukafanya vizuri.

"Kitu kizuri mimi na wenzangu hatukati tamaa, hata ukija mazoezini utaona watu wanavyojituma na tuna imani siku itafika tuanze kufanya vizuri," alisema Tambwe.

PLUIJM ASEMA WATAIMARIKA KWA KUCHEZA MECHI NGUMU

10:26 PM

PLUIJM (KUSHOTO) AKIWA NA MENEJA WA YANGA, HAFIDHI SALEH.

Kocha Mkuu wa Yanga, Hans van der Pluijm amesema kikosi chake kitakuwa kinaimarika zaidi kutokana na wanavyocheza mechi ngumu.

Pluijm raia wa Uholanzi amesema kikosi chake kina ubora wa juu lakini kuna mambo yanayotakiwa kurekebishwa.

"Ndiyo maana tunaendelea kupambana, tunafanya kazi na kila mara tunazungumza.

"Hivyo si jambo la leo pekee au kesho, tunaendelea kubadilisha na sasa nguvu nyingi iko kwa ajili ya mechi ijayo dhidi ya Ndanda FC.

"Tuna muda wa kutosha kujiandaa kabla ya mechi hiyo ya Jumapili na tuna mambo muhimu ya kubadili. Kikubwa ni kila mtu kumuamini mwenzake," alisema Pluijm.

Chelsea kumuuza mchezaji Schurrle

9:14 PM

Andre Schurrle

Chelsea imekubali kumuuza mshambuliaji wake Andre Schurrle ili kupata ufadhili wa kumsajili Juan Cuadrado.

Hatua hiyo ya kumsajili Cuadrado mwenye umri wa miaka 26 inaweza kukamilishwa katika mda unaohitajika kwa yeye kuichezea Chelsea dhidi ya Mancity siku ya jumamosi.
Gazeti la Mail online limegundua kwamba makubaliano hayo ambapo takriban pauni millioni 60 zitatumika yanakaribia katika kipindi cha saa 24 zijazo.
Chelsea inamuuza Shurrle kwa kitita cha pauni millioni 30 huku kilabu ya Wolfburg ikimhitaji nayo Borussia Dortmund pia nayo ikimtaka.
Kocha Jose Mourinho hampendelei mchezaji huyo wa Ujerumani,lakini anatambua thamani yake katika soko la uhamisho.
Mshambuliaji huyo wa Ujerumani vilevile anataka kurudi nyumbani.

JAY MOE; NARUDI KIVINGINE MSISHANGAE MKINISIKIA KWENYE BEAT KAMA ZA AKINAASAP ROCKY AU FRENCH MONTANA

8:50 PM

Jay moe anarudi tena. Hata hivyo ametoa onyo kwa mashabiki wake wa kitambo wasistuke sana kumsikia akirap tofauti na walivyo mzoea.

Akiongea na kipindi cha Siz kitaa kinachorushwa na clouds tv hit maker huyo wa "kama unataka demu" amedai kuwa baada ya kukaa kimya kwa miaka miwili ambapo alikuwa anafanya mambo muhimu ya kimaisha hivi karibuni atarejea tena kwenye muziki.

Raper huyo amesema mashabiki wategemee makubwa kwa sababu muziki umebadilika na yeye hajaachwa nyuma huku akisema kuwa beat aliyo itumia ni kama zile zinazofanya vizuri marekani za wasanii kama Asap rocky au French montana.

Amesema wimbo huo ametumia mtindo tofauti ambao watu wengi hawategemei kama anaweza kuifanya kwa mtindo wa kizazi cha kisasa.

Moe anadai amesharekodi wimbo mpya uitwao "Jah" alio mshirikisha Gnako.

GUINEA YASHINDA BAHATI NASIBU NA KUTINGA ROBO FAINALI AFCON

8:11 PM

GUINEA imeshinda kamari iliyopigwa kupata timu ya pili ya kundi D inayofuzu robo fainali ya kombe la Mataifa ya Africa, Afcon 2015 na sasa itacheza na Ghana katika hatua hiyo.

Sheria ya CAF kipengele cha 74 kimetumika kuamua mshindi baina ya Mali na Guinea ambao walimaliza wakifanana kwa kila kitu.

Sheria hiyo pia inatumika na shirikisho la soka Duniani FIFA.

SHULE YA MUZIKI ALIYO AHIDI KUFUNGUA TUNDA MAN YAMTOA JASHO

4:15 PM

Muimbaji wa hit single ya msambinungwa Tunda man amekutana na kigingi kizito katika mpango wake wa kufungua shule ya muziki

Tunda man alisema kuwa aliambiwa kuna vitu atimize alafu ndo afanye hivyo kwa hiyo nimeambiwa nikamilishe vigezo ndo kibali nitapewa kwa sababu hii ni shule kama shule nyingine,kwahiyo tupo kwenye kukamilisha hivyo vigezo na kuna watu nashilikiana nao kwa sababu wao wana elimu ya kutosha kwenda kulipa TRA na kuna mengine yapo deep sana alisema tunda man.

Mimi nilijua suala rahisi sana kumbe kuna vitu vingi vinatakiwa kuvikamilisha kitaaluma zaidi na si kimuziki. Nadhani kabla ya pasaka kila kitu kitakuwa tayari na wanafunzi wataanza kujifunza.

Kombe la mataifa ya Afrika 2015 - Mpangilio na matokeo

3:27 PM

31 Januari 2015

Congo