JULIO AREJEA LIGI KUU BARA

Jamhuri Kihwelo 'Julio' amerejea Ligi Kuu Bara baada ya kuikosa nafasi hiyo msimu uliopita baada ya Stand United ya Shinyanga pia kushinda rufaa yake.



Lakini leo kikosi chake cha Mwadui FC kimeshinda kwa mabao 4-1 dhidi ya Burkina Faso ya Morogoro.

Wakati kikosi hicho cha Mwadui FC chini ya kocha huyo wa zamani wa Simba kinarejea ligi kuu. Toto African nayo imetua tena Ligi Kuu Bara baada ya kuichapa Rhino kwa mabao 2-0.

Mwadui imekuwa kinara wa kundi kwa kufikisha pointi 46, wakifuatia na Toto inayonolewa na John Tegete, baba wa mshambuliai wa Yanga Jerry Tegete ina  pointi 45.

JKT Oljoro iliyokuwa pia ikiwania nafasi hiyo, imebaki katika nafasi ya tatu licha ya kushinda kwa bao 1-0 dhidi ya Polisi Tabora.