AZAM FC KUFUNGA ZIARA DRC KWA KUIVAA DON BOSCO KESHO

Na Bertha Lumala, Dar es Salaam
Mabingwa watetezi wa Ligi Kuu ya Tanzania Bara na wawakilishi wa Tanzania Bara katika michuano ya Klabu Bingwa Afrika, Azam FC kesho watafunga ziara yao ya wiki moja DRC kwa kuivaa Don Bosco FC.

Mechi hiyo ni ya mwisho kwa Azam FC katika michuano maalum ya kimataifa iliyoandaliwa na klabu ya TP Mazembe ya DRC wanayoichezea washambuliaji Watanzania Mbwana Samata na Thomas Ulimwengu.
Azam FC walianza kwa kupoteza 1-0 dhidi ya wenyeji TP Mazembe kabla ya kutoka sare ya mabao 2-2 dhidi ya mabingwa wa Ligi Kuu ya Zambia, Zesco FC.
Michuano hiyo ni maalum kwa timu zote kuajiandaa kwa ajili ya mashindano ya kimataifa ya Shirikisho la Soka barani Afrika (CAF).