HARAKATI ZA SOKA

Nov 21, 2014

ARSENAL NI VIBONDE WA 'KUPIKA NA KUPAKUA' KWA MAN UNITED, MECHI 11 ZILIZOPITA WAMESHNDA MOJA TU

11:13 PM

REKODI YAO YA KWENYE LIGI TANGU 2009

Mechi walizocheza: 11

Man United walizoshinda: 7

Arsenal waliyoshinda: 1

Walizotoka sare: 3

MECHI kati ya Arsenal dhidi ya Manchester United wakati wote imekuwa moja ya michezo ya kusisimua katika historia ya Ligi Kuu ya England – lakini The Gunners wameshinda mechi moja tu kati ya 11 zilizopita baina ya klabu hizo.

Louis van Gaal atasafiri na kikosi chake chenye majeruhi kibao hadi Uwanja wa Emirates Jumamosi mchana akitambua kwamba timu yake imekuwa na historia nzuri siku za karibuni dhidi ya wapinzani wake hao.

Licha ya kuboronga msimu uliopita, lakini bado United ilijimudu kuichapa Arsenal 1-0 Uwanja wa Old Trafford na kutoka nayo sare ya bila kufungana katika mchezo mwingine Kaskazini mwa London.

Aaron Ramsey alifunga bao pekee mara ya mwisho Arsenal ilipoifunga Manchester United mwaka 2011

Arsenal iliifunga Manchester United 1-0 mwaka 2011 - ushindi wao pekee katika mechi 11 dhidi ya United

Danny Welbeck - ambaye kwa sasa yupo Arsenal - alifunga bao la ushindi dakika ya mwisho Manchester United ikishinda Uwanja wa Emirates mwaka 2012

Mshambuliaji wa zamani wa Arsenal, Robin van Persie alifunga bao la ushindi kwa United Uwanja wa Old Trafford msimu uliopita

**MECHI BAINA YA ARSENAL NA MAN UTD**
Feb 12, 2014	Arsenal	0-0	Man Utd
Nov 10, 2013	Man Utd	1-0	Arsenal
Apr 28, 2013	Arsenal	1-1	Man Utd
Nov 3, 2012	Man Utd	2-1	Arsenal
Jan 22, 2012	Arsenal	1-2	Man Utd
Ago 28, 2011	Man Utd	8-2	Arsenal
May 1, 2011	Arsenal	1-0	Man Utd
Dec 13, 2010	Man Utd	1-0	Arsenal
Jan 31, 2010	Arsenal	1-3	Man Utd
Ago 29, 2009	Man Utd	2-1	Arsenal
May 16, 2009	Man Utd	0-0	Arsenal

Wakati kocha Sir Alex Ferguson akiwa katika msimu wake wa mwisho Old Trafford, mabao ya Robin van Persie na Patrice Evra yaliipa United ushindi wa 2-1 nyumbani wakati Van Persie pia alifunga tena dhidi ya Arsenal aliporejea Emirates baadaye msimu huo kusawazisha baada ya Theo Walcott kuanza kufunga na kufanya sare ya 1-1.

Ushindi wa mwisho wa Arsenal katika Ligi Kuu ya England dhidi ya United ulikuwa Mei mwaka 2011 wakati Aaron Ramsey alipofunga bao pekee katika ushindi wa 1-0 nyumbani.

Kutoka kwenye kikosi cha Arsenal wakati huo, wachezaji watano bado wapo klabuni, akiwemo kipa Wojciech Szczesny, Laurent Koscielny, Walcott, Ramsey na Jack Wilshere.

Lakini ikiwa Wenger anatafuta ahueni anahitaji kutazama juu ya rekodi ya ugenini ya United, bado hawajashinda mechi yoyote ugenini msimu huu na hawajachukua pointi tatu katika mechi zao za ugenini tangu Aprili 5, mwaka huu walipoifunga Newcastle 4-0.

Misimu iliyopita, mechi kati ya Arsenal vs Manchester United ilikuwa ya kuamua bingwa, lakini mwaka huu inaonekana kama ni mechi ya kuwania nafasi ya nne na ya mwisho ya kucheza Ligi ya Mabingwa Ulaya.

Lakini kikubwa zaidi, The Gunners wanatarajiwa kufuta uteja wao kwa United.

KIPA WA SIMBA SC APATA ULAJI OMAN, AWA BOSI WA KIPA WA YANGA SC.

11:11 PM

Kipa wa zamani wa Simba SC, Spear Mbwembwe (kulia) akiwa na kipa wa zamani wa Yanga SC, Juma Mpongo mjini Muscat, Oman jana. Mbwembwe ametua jana kwa ajili ya kuwa kocha wa makipa wa klabu ya Seeb ya Ligi Kuu ya nchini humo. Mpongo amekuwa kipa wa timu hiyo tangu mwanzoni mwa msimu huu na sasa bosi wake atakuwa Mtanzania mwenzake.